بوصلة الصمود المهني:
إزاي تتغلب على التحديات المهنية؟
بنشوف ناس كتير شاطرة جداً (Technical)، بس مشوارهم بيقف أو بيتعطل.. ليه؟
لأن المعركة الحقيقية مش بس في "Skills"، المعركة الحقيقية جواك. الكورس ده مش هيعلمك إزاي تعمل "Excel Sheet"، هو هيعلمك إزاي تدير نفسك، وتواجه مخاوفك، وتعرف تتعامل مع ضغوط الشغل اللي مابتخلصش عشان توصل للاستقرار النفسي والنجاح المهني اللي بجد.
محاور الكورس (هنتعلم إيه؟):
-
وحش الـ FOMO.. إزاي تبطل تبص في ورقة غيرك؟ إزاي تتعامل مع الخوف من إنك "فايتك كتير" وتركز في طريقك الخاص من غير ما تقارن بدايتك بمنتصف طريق غيرك.
-
فخ التقدير.. أنت أكبر من مجرد "برافو" من مديرك: إزاي تبني ثقتك بنفسك من جوه، وتفصل بين قيمتك الشخصية وبين تقييم مديرك أو شركتك ليك.
-
تحدي "اليوم 24 ساعة بس".. إزاي تروض الوقت؟ مش "Time Management" تقليدي، لكن إزاي تحدد أولوياتك بجد وتعرف تقول "لأ" للحاجات اللي بتسحب طاقتك.
-
الرضا الوظيفي.. هل هو وهم؟ إزاي تلاقي المعنى في شغلك الحالي حتى لو مش هو "شغل الأحلام"، وإزاي تفرق بين تعب الشغل الطبيعي وبين "الاحتراق المهني".
-
الأساسيات vs السكة الشمال (الطرق المختصرة): ليه "Show" والفهلوة بيخلصوا بسرعة، وليه الاستثمار في الأساسيات وإتقان الصنعة هو اللي بيعيش وبيدفعك لقدام.
-
لعبة الحظ.. إزاي تكون جاهز لما الفرصة تخبط؟ إيه دور الحظ في النجاح؟ وإزاي "تصنع حظك" بإنك تكون موجود في المكان الصح، بالشكل الصح، في الوقت الصح.
-
فوبيا النجاح والفشل.. وجهين لعملة واحدة: ليه بنخاف ننجح؟ وليه بنترعب من الفشل؟ وإزاي نتحرر من الخوف اللي بيكتفنا عن أخد خطوات جريئة.
