ازاي تعيش الحياة الي شبهك؟ رسالة يمكن تغير طريقك
|
في لحظة كده بتيجي لكل واحد فينا لحظة يسأل نفسه فيها: “هو أنا بعيش حياة تشبهني فعلًا؟ ولا مجرد حياة ماشية وخلاص؟” ممكن تبان حياتك من بره مظبوطة: شغل، علاقات، روتين… بس جواك احساس بيقول: في حاجة مش ماشية صح. عشان كده جهزتلك خطوات تساعدك تغير حاجات كتير جواك، وتقريك أكتر من الحياة الي أنت تستحق تعيشها مش الي الناس متوقعاها منك: 1. راقب الأماكن اللي بتحس فيها إنك مش نفسك اسأل نفسك: • شغلي ده بيمثلني ولا مجرد مصدر دخل؟ • علاقاتي مبنية على أمان ولا على خوف من الوحدة؟ • حتى طريقة لبسي وكلامي، هل ليها علاقة حقيقية بيا؟
2. طبق بتمرين صغير: اختار 3 حاجات في حياتك شغلك، علاقتك، روتين يومك… واسأل سؤال واحد بس: “ده أنا؟ ولا ده اللي الناس عايزاني أكونه؟” أوقات الإجابة بتبقى بداية التغيير.
3. ابدأ بعادة صغيرة بس شبهك التغيير مش لازم يبقى انقلاب. هو بيبدأ لما: • تستبدل ساعة سوشيال ميديا بحاجة بتحبّها. • تروح مكان بتحس فيه براحتك. • تغيّر طريقتك مع نفسك وتبقى ألطف شوية. خطوة صغيرة… بس صادقة، تقدر تغيّر كتير
- الناس مش ديماً هتفهمك، وده طبيعي وأول ما تبدأ تتغير هتسمع كلام زي: • “أنت اتغيرت” • “مش ده اللي أعرفه” بس محدش فيهم كان حاسس بيك وأنت مش مرتاح. مش لازم الكل يفهم رحلتك، يكفي إنك أنت تكون فاهمها.
مش لازم تعيش حياة مثالية، يكفي إنها تكون حقيقية. كل مرة تختار صدقك على رضا الآخرين كل مرة تختار راحتك على توقعات المجتمع كل مرة تقول ده أنا، بتقرب خطوة من الحياة اللي خلقت علشانها.
لأن الرحلة مش إنك تعمل حياة جديدة، الرحلة إنك ترجع للحياة اللي طول عمرك كنت نفسك تعيشها. يومك جميل وناجح تحياتي عمرو |
